خليكن عم تاكلو مايونيز وتستغربوا ليش ماحدا عم يقرب منكن

إنها #رائحة_الفم_الكريهة

شو سبب هي الرائحة

بالطبع ومتل ما منعرف كلنا انو في اطعمة معينة بتسبب خروج رائحة مزعجة من أفواهنا بعد تناولها.. متل الثوم والبصل والجبنة والبهارات

ولكن احيانا ممكن نكون منتبهين لأكلنا قبل المواعيد المهمة ومفرشايين اسنانا ومع هيك عم نشعر بنفور الشخص المقابل بسبب الرائحة

هون السبب ممكن يكون #مرضي.. وهوي شيء شائع جدا

يعني ممكن اذا منعاني من قلس او ارتفاع بحموضة المعدة رح يسبب تجشؤ بسيط لا ارادي ويخرج روائح كريهة من المعدة

التبغ عنصر اساسي جدا بحالات رائحة الانفاس الكريهة
داء السكري... او حتى مشاكل الجيوب الانفية

نحنا تجنبا للاحراج ممكن نسأل شخص مقرب او من الاهل عن الرائحة بشكل يومي على مدار اسبوع حصرا عند الاستيقاظ

وعلى هاد الاساس اذا فعلا ثبت ان الرائحة جدا كريهة وغير محمولة
يفضل مراجعة طبيب الاسنان اولا لان حالة التهاب لثة من الممكن ان تسبب هي الحالة او حتى التقويم ممكن يعلق فيه بقايا اكل وتعطي رائحى غير مقبولة

في حال فشل علاج الاسنان بالتخلص من الرائحة.. منراجع طبيب الهضمية لنعرف اذا عنا مشاكل بالهضم او قد نكون مصابين بحالة "السكري التفه" او "السكري الكاذب"

طبعا في بعض الاطعمة والأساليب لتطييب الانفاس بغير الحالة المرضية متل انو نمضغ اوراق النعنع او الريحان..

وما قلت علكة لان مو دائما العلكة بتكون قادرة تغطي الرائحة:

أهم شي نواظب على تنظيف الاسنان بالخيط.. وبمعجون الفلورايد

تنظيف اللسان غير شائع ولكنه مهم بهيك حالات وبالطبع دائما مننصح بالابتعاد عن التدخين

بالنهاية لازم ننتبه لهي الامور دائما لنحافظ على ثقتنا بين الناس وعلى مسافات قريبة

ونتذكر دائما ان الميونيز مصنوع من التوم مو من الميونيز ورح يكشفوك اذا اكلت بلاهن

#مــــيددوز ~ مـــــصدرك للـــــمعلومات الـــــطبية الــــــموثوقة